हिंगोली जिल्हा भूकंपाने हादरला 4.5 नोंद
नागरिकांनी घाबरून जाऊ नये जिल्हाधिकारी जितेंद्र पापळकर
महाराष्ट्र 24 न्यूज नेटवर्क
10 जुलै 2024
आज दि. 10 जुलै 2024 रोजी हिंगोली शहर व हिंगोली सर्वच तालुक्यातून सकाळी 07:14 वाजता भूकंपाचे धक्के जाणवले असून या भूकंपची तीव्रता रिष्टर स्केल वर 4.5 नोंदविण्यात आलेली आहे. भूकंपचा केंद्रबिंदू हिंगोली जिल्ह्यातील कळमनुरी तालुक्यातील रामेश्वर तांडा गावात असून नांदेड व परभणी जिल्ह्यात या भूकंपाचे धक्के जाणवले असल्याची माहिती प्राप्त झालेली आहे. जिल्ह्यात जाणवलेले धक्के सौम्य स्वरूपाचे असून कुठेही नुकसान झालेले नाही. तरी
नागरिकांनी घाबरून न जाता सतर्क रहावे. तसेच गावात ज्या लोकांच्या घराचे छत पत्र्याचे आहे व त्यांनी पत्र्यावर आधारासाठी दगड ठेवले आहेत त्यांनी त्वरित दगड काढून घ्यावेत. असे आवाहन मा. जिल्हाधिकारी जितेंद्र पापळकर यांनी केले आहे.
टिप्पणी पोस्ट करा