पोलीस दलात लवकरच दहा हजार पोलीसांची नव्याने भरती
मुंबई प्रतिनिधी
20मे2022
राज्याच्या पोलीस दलात लवकरच सुमारे दहा हजार पोलिसांची भरती होणार असल्याचे गृहखात्याच्या सूत्रांनी सांगितले. पोलीस कॉन्स्टेबल पदासाठी एकाच वेळी भरती प्रक्रिया राबविण्यात येणार असून ही प्रक्रिया पारदर्शी पद्धतीने राबविण्यात येणार आहे.
राज्य पोलीस दलात नुकतीच सात हजार पोलिसांची भरती करण्यात आली आहे, त्यानंतर होणारी ही मोठी भरती असून त्यामुळे पोलीस दलात जाण्यासाठी उत्सूक असलेल्या तरुणांसाठी ही आनंदाची बातमी ठरणार आहे
,
गेल्या दोन वर्षापासून देशासह राज्यात कोरोनाच्या संकटामुळे नोकरभरतीची प्रक्रिया थांबली होती. कोरोनाचा फटका पोलीस भरती प्रक्रियेला बसल्याने आवश्यकता असताना राज्यात पोलीस कर्मचाऱ्यांची भरती होऊ शकली नव्हती. राज्याची लोकसंख्या लक्षात घेता मोठ्या प्रमाणावर पोलीस बळाची गरज आहे. आता त्यामुळे राज्य सरकारने सुरू केलेल्या हालचालीमुळे पोलीस भरतीचा मार्ग मोकळा झाला आहे.
टिप्पणी पोस्ट करा