मुख्यमंत्री शिंदे यांनी शेतकर्‍यांची अव्हेलना केली; अद्यापही मदतीचा कुठलाही आदेश नाही
विरोधी पक्षनेते अंबादास दानवे
वसमत (प्रतिनिधी)-
मुख्यमंत्री एकनाथ शिंदे यांचा हिंगोली दौरा गद्दारांना बळ देण्यासाठी होता. त्यांना शेतकर्‍यांचे देणे-घेणे नव्हते यामुळे त्यांनी शेतकर्‍यांच्या भेटी घेतल्या नाहीत. दौर्‍याचा दिखावा केला, शेतकर्‍यांची अव्हेलना केली, असा आरोप राज्याचे विधानपरिषदेचे विरोधी पक्षनेते अंबादास दानवे यांनी नागेशवाडी येथे पत्रकारांशी बोलताना केला. अद्यापही त्यांनी शेतकर्‍यांना मदतीचा कुठलाही आदेश काढलेला नाही असेही त्यांनी सांगितले.
विधानपरिषदेचे विरोधी पक्षनेते अंबादास दानवे यांनी शुक्रवार दि.१२ ऑगस्ट रोजी हिंगोली दौरा केला. त्यांनी वसमत तालुक्यातील माळवटा, कुरुंदा, नागेशवाडी येथे अतिवृष्टी झालेल्या नुकसानीचा प्रत्यक्ष शेतशिवारात जाऊन पाहणी केली. यावेळी त्यांनी शेतकर्‍यांशी संवाद साधला. त्यांच्या समवेत माजी खा.सुभाष वानखेडे, माजी मंत्री डॉ.जयप्रकाश मुंदडा यांच्यासह शिवसेनेचे पदाधिकारी, लोकप्रतिनिधी उपस्थित होते. दानवे यांनी उपस्थित शेतकर्‍यांशी संवाद साधत झोपलेल्या शासनाकडून जागे करुन मदत मिळवुन देण्याचे आश्‍वासन दिले. यावेळी त्यांनी शेतकर्‍यांना तसेच गावातील नुकसान ग्रस्त झालेल्या नागरिकांना अपुलकीने संवाद साधत शासनाकडून विधानपरिषदेत प्रश्‍न मांडुन मदत देण्याची आश्‍वासन दिले. शेतशिवारात अतिवृष्टीमुळे पिके नष्ट झाली आहेत. शेतीही खरडुन गेली आहे. घरांची मोठया प्रमाणात पडझड झाली आहे. मोठे संकट कोसळले असुन शिवसेना आपल्या ठाम पाठिशी आहे. यासाठी मदत मिळवुन देण्यासाठी आम्ही प्रयत्न करु असे त्यंानी ठिकठिकाणच्या दौर्‍यात शेतकरी व नागरिकांना आश्‍वासित केले. नागेशवाडी येथे ग्रामस्थांशी संवाद साधल्यानंतर अंबादास दानवे यांनी पत्रकारांशी वार्तालाभ केला. यावेळी त्यांनी मुख्यमंत्री एकनाथ शिंदे व भाजपावर कडाडुन हल्ला केला. मुख्यमंत्री एकनाथ शिंदे यांनी हिंगोली जिल्हयाचा दौरा बंडखोर व गद्दारांना खोटे बळ देण्यासाठी केला. शिंदे यांना
शेतकर्‍यांचा कुठलाही कळवळा नाही. नावाला अतिवृष्टी भागाचा दौरा दाखवुन त्यांनी प्रत्यक्ष शेतकर्‍यांशी संवाद साधुन व्यथा जाणुन घेणे आवश्यक होते. परंतु त्यंानी शेतकर्‍यांना भेटणे टाळुन अव्हेलना केली, अशी टिका दानवे यांनी मुख्यमंत्री शिंदे यांच्यावर केली. ते पुढे म्हणाले की, भाजपा स्वातंत्र दिनांच्या माध्यमातुन खोटी देशभक्ती दाखविण्याचा प्रयत्न करीत आहे. तिरंगा झेंडा यातही त्यांनी राजकारण आणले आहे.
प्रखर राष्ट्रनिष्ठा व देशभक्तीसाठी अशी आवश्यकता नाही, अशी टिकाही त्यांनी केली. शिवसेना भवन दादर येथे बांधण्याचा खटाटोप बंडखोर व गद्दार करीत आहेत. अशा कितीही खोटया सेना आल्या तरी शिवसेनेला फरक पडणार नसल्याचेही ते म्हणाले. सर्वोच्च न्यायालयात शिवसेनेला न्याय मिळेल असा आत्मविश्‍वासही विरोधी पक्षनेते अंबादास दानवे यांनी पत्रकारांशी बोलताना व्यक्त केला.
शासकीय विश्रामगृह हिंगोली रोशनाई
यावेळी दौर्‍यात शिवसेनेचे उपजिल्हाप्रमुख परमेश्‍वर मांडगे, जि.डी.मुळे, युवा सेना राज्य विस्तारक दिलीप घुगे, माजी जि.प.अध्यक्ष गणाजी बेले, आनंदराव जगताप, गणेश देशमुख, राजु चापके, प्रल्हाद राखोंडे, अंकुश आहेर यांच्यासह शिवसेनेचे पदाधिकारी, शेतकरी मोठया संख्येने उपस्थित होते.
टिप्पणी पोस्ट करा