विनाअनुदानित शाळांना अनुदान देण्याचा सरकारचा विचार
शिक्षणमंत्री दीपक केसरकर यांची माहिती
मुंबईः राज्यातल्या विनाअनुदानित शाळांना अनुदान देण्याचा राज्य सरकारने निर्णय घेतला आहे. राज्यातील ६० हजार शिक्षकांना याचा फायदा होईल. शिक्षणमंत्री दीपक केसरकर यांनी ही माहिती दिली.
मंत्री दीपक केसरकर यांनी सांगितले की, २० ते ४० टक्के आणि ४० ते ६० टक्के अनुदानासाठी पात्र ठरलेल्या शिक्षकांना अनुदानाचा लाभ मिळणार आहे. याचा शासन
निर्णय लवकरच निघणार असल्याचे त्यांनी सांगितले. ·
पात्रता पूर्ण न करू शकलेल्या संस्थांना वगळून सर्वच्या सर्व शाळांना अनुदानाचा लाभ मिळणार आहे. जवळपास १ हजार १६० कोटी रुपयांचे पॅकेज शिक्षकांसाठी जाहीर करत असल्याचे केसरकर यांनी सांगितले. ज्यांनी मागण्याही केलेल्या नाहीत त्यांनासुद्धा याचा फायदा होणार आहे.
टिप्पणी पोस्ट करा