गोळीबार प्रकरणात बाप-लेक ठार; चार आरोपीना 5 दिवसाची पोलीस कोठडी फरार आरोपीला ठोकल्या बेड्या...!
पोलीस निरीक्षक श्याम कुमार डोंगरे
महाराष्ट्र 24 न्यूज नेटवर्क
25 सप्टेंबर
हिंगोली तालुक्यातील
भांडेगाव येथे दोन गटांमध्ये झालेल्या वादातून थेट गोळीबार होऊन बाप आणि मुलगा ठार झाल्याची खळबळजनक घटना घडली आहे. या प्रकरणात चार आरोपींना पोलिसांनी अटक करून न्यायालयासमोर हजर केले असता, त्यांना पाच दिवसांची पोलीस कोठडी सुनावण्यात आली आहे. पोलीस निरीक्षक श्यामकुमार डोंगरे यांनी ही माहिती दिली.
घटनेचा तपशील
ही घटना दि. 23 सप्टेंबर 2025 रोजी रात्री 10 वाजण्याच्या सुमारास हिंगोली तालुक्यातील भांडेगाव येथे घडली. फिर्यादी गजानन सोनाजी जगताप (वय 43 वर्ष) यांनी दिलेल्या तक्रारीनुसार, त्यांच्या भावकीतील व शेजारील काही आरोपींनी सार्वजनिक ठिकाणी लघवी करण्याच्या कारणावरून वाद उफाळून काढला.
यावेळी मयत कुंडलिक बापुराव जगताप (वय 40 वर्ष) आणि त्याचा मुलगा शिवराज कुंडलिक जगताप (वय 20 वर्ष) हे आरोपींना समजावण्यासाठी गेले असता, वाद अधिकच चिघळला. आरोपींनी 'तुम्ही आम्हाला नेहमी त्रास देता, आज संपवून टाकतो' असे म्हणत शिवीगाळ केली आणि मारहाण केली.
यावेळी आरोपी क्रमांक 3 (ज्ञानेश्वर जगताप) याने आरोपी क्रमांक 1 (लक्ष्मण उर्फ बाबाराव जगताप) यास पिस्तुल आणण्यास सांगितले. लक्ष्मण याने घरातून पिस्तुल आणून कुंडलिक व शिवराज यांच्यावर गोळीबार केला. यामध्ये दोघांचा जागीच मृत्यू झाला, तर सुभाष विठ्ठल कुरवाडे (वय 36 वर्ष) आणि बालाजी सखाराम जगताप (वय 34 वर्ष) हे दोघे गंभीर जखमी झाले.
आरोपींची नावे
लक्ष्मण उर्फ बाबाराव रायाजी जगताप
विठ्ठल लक्ष्मण जगताप
ज्ञानेश्वर लक्ष्मण जगताप
. केदार नामदेव जगताप
उमेश गंगाराम उबाळे
सर्व आरोपी हे भांडेगाव येथील रहिवासी असून, त्यांच्यावर कलम 103(1), 109(1), 118(2), 115(2), 352, 351(3), 189(2)(4), 191(3), 190 भा.दं.वि. तसेच शस्त्र अधिनियम 3/25 अंतर्गत गुन्हा दाखल करण्यात आला आहे.
कोठडी व तपास
पोलिसांनी तत्काळ कारवाई करत चार आरोपींना अटक केली असून, त्यांना पाच दिवसांची पोलीस कोठडी सुनावण्यात आली आहे. एका आरोपीचा शोध सुरू आहे. घटनेनंतर परिसरात तणावाचे वातावरण निर्माण झाले असून, पोलीस बंदोबस्त तैनात करण्यात आला आहे.
पोलीस निरीक्षक श्यामकुमार डोंगरे म्हणाले :
> “ही घटना अत्यंत गंभीर असून, कायदा हातात घेणाऱ्यांवर कठोर कारवाई केली जाईल. शस्त्र बाळगण्याचा आणि वापरण्याचा आरोप गंभीर असून, याप्रकरणी संपूर्ण तपास केला जात आहे. फरार आरोपीला अटक करून
कसून चौकशी सुरू आहे
स्थानिकांमध्ये संताप :
या घटनेने संपूर्ण भांडेगाव गाव हादरले असून, ग्रामस्थांमध्ये संतापाचे वातावरण आहे. बाप-लेकाचा मृत्यू झाल्याने गावात हळहळ व्यक्त केली जात आहे.
टिप्पणी पोस्ट करा