काँग्रेसला नवी उभारी! युवा नेते मिलिंद भाऊ उबाळे यांची हिंगोली शहराध्यक्षपदी निवड
महाराष्ट्र 24 न्यूज नेटवर्क
18 ऑक्टोबर 2025 | हिंगोली
हिंगोली – काँग्रेस पक्षात नवचैतन्याचे वारे वाहू लागले आहेत. नुकत्याच पार पडलेल्या निवड प्रक्रियेत काँग्रेसचे ऊर्जस्वल युवा नेते श्री. मिलिंद मोहनराव उबाळे यांची हिंगोली शहर काँग्रेस कमिटीच्या अध्यक्षपदी निवड करण्यात आली आहे. जिल्हाध्यक्ष सुरेश आप्पा सराफ यांनी अधिकृत घोषणा करत उबाळे यांना हिंगोली शहराची संपूर्ण जबाबदारी सोपवली असून, पक्ष संघटन अधिक सक्षम व बळकट करण्यासाठी त्यांना शुभेच्छा दिल्या.
काँग्रेसला नवसंजीवनी देण्याचा निर्धार
हिंगोलीत गेल्या काही काळात काँग्रेसच्या संघटनेत काही प्रमाणात खिंडार पडले असले तरी, नव्याने नियुक्त झालेले अध्यक्ष मिलिंद भाऊ उबाळे यांनी पक्षात नवी ऊर्जा आणण्याचा निर्धार व्यक्त केला आहे. त्यांनी म्हटले की,
> “आगामी नगरपालिका आणि जिल्हा परिषद निवडणुकीत काँग्रेस पक्षाचे उमेदवार मोठ्या प्रमाणात विजयी होण्यासाठी आम्ही अथक प्रयत्न करू. युवा पिढी आणि सर्वसामान्य नागरिकांचा विश्वास पुन्हा मिळवून काँग्रेसचा झेंडा हिंगोलीत पुन्हा फडकवू.”
निवडीची अधिकृत प्रक्रिया आणि आदेश
हिंगोली शहर काँग्रेस कमिटीचे अध्यक्षपद रिक्त असल्याची माहिती प्रदेश कार्यालयाला प्राप्त झाल्यानंतर, मा. प्रांताध्यक्ष श्री. हर्षवर्धन सपकाळ यांच्या आदेशावरून ही नियुक्ती करण्यात आली आहे.
प्रदेश काँग्रेस कमिटीच्या आदेशानुसार, अॅड. गणेश पाटील (वरिष्ठ उपाध्यक्ष) यांनी अधिकृत पत्राद्वारे श्री. मिलिंद उबाळे यांना हिंगोली शहर काँग्रेस शहर अध्यक्ष म्हणून नियुक्त केले आहे.
भव्य सत्कार सोहळा आणि शुभेच्छांचा वर्षाव
या नियुक्तीनंतर जिल्हाभरातील काँग्रेस पदाधिकारी आणि कार्यकर्त्यांकडून मिलिंद उबाळे यांच्यावर शुभेच्छांचा वर्षाव झाला. हिंगोलीतील शासकीय विश्रामगृह येथे झालेल्या सत्कार सोहळ्यात ज्येष्ठ पत्रकार सुधाकर वाढवे, पोलीस अधिकारी संजय तोडेवाले, गजानन निर्मले, डॉ. बालाजी भाकरे, पत्रकार सचिन कावडे सामाजिक कार्यकर्ते चंदू प्यारेवाले, विजय गुंडेकर, जाधव यांच्यासह असंख्य कार्यकर्ते उपस्थित होते.
सर्वांनी एकमुखाने व्यक्त केले की, “मिलिंद भाऊंच्या नेतृत्वात काँग्रेस पक्षाला हिंगोलीत नवसंजीवनी मिळेल आणि पक्ष पुन्हा एकदा राजकीय पटलावर जोमाने उभारी घेईल.”
पक्षात उत्साहाची लाट
या निवडीमुळे काँग्रेस कार्यकर्त्यांमध्ये उत्साहाचं आणि आनंदाचं वातावरण निर्माण झालं आहे.
पक्षातील तरुण नेते आणि कार्यकर्त्यांमध्ये नवी ऊर्जा निर्माण झाली असून, हिंगोली काँग्रेस आता संघटनेच्या मजबुतीसाठी सज्ज झाली आहे.
टिप्पणी पोस्ट करा