आंबा चोंढी बँक लुटण्याचा थरार ;
पोलिसांनी तिघा चोरट्यांना अवघ्या दोन तासात केले जेरबंद ; आखाडा बाळापूर व कुंरूदा पोलीसांच्या सर्तकतेनेने भोसी शिवारात चोरट्यांना अटक
हिंगोली जिल्ह्यातील कुरूंदा
वसमत तालुक्यातील चोंढीआंबा येथील महाराष्ट्र ग्रामीण बँक लुटण्याचा प्रयत्न तिन चोरट्यांनी शुक्रवारी सायंकाळी केला. यावेळी चोरट्यांनी फायर केले. यावेळी बॅक कॅशियर काच लागल्याने जखमी झाला आहे. परंतु दोन तासात पोलिसांनी चोरट्यांच्या मुसक्या भोसी ता. कळमनुरी शिवारात आवळल्या आहेत. चोरट्यांना
अटक करण्यासाठी स्वतः पोलिस अधिक्षक राकेश कलासागर, अप्पर पोलिस अधिक्षक यशवंत काळे, सहायक पोलिस अधिक्षक यतिश देशमुख व वरिष्ठ पोलिस अधिकारी व दोन्ही पोलिस ठाण्याचे पोलिस यांनी मोठ्या सतर्कतेने कामगिरी करीत चोरट्यांना दोन तासात अटक केली.
वसमत तालुक्यातील चोंढी आंबा येथील चोंढी टी पॉईंटवर असलेल्या महाराष्ट्र ग्रामीण बँकेत जाऊन तीन चोरट्यांनी बँक लुटण्याचा प्रयत्न केला. मात्र अधिकारी व दोन कर्मचाऱ्यांनी त्यांना दाद न दिल्याने चोरट्यांनी पलायन केले. यावेळी चोरट्यांनी बँकेच्या काचेवर दोन राऊंड फायर केले. यामध्ये कोणीही जखमी झाले नसले तरी काच फुटल्याने रोखपाल जखमी झाल्याचे सांगण्यात आले आहे. शुकवारी दि. १४ जानेवारी रोजी सायंकाळी ४:४० वाजता हा प्रकार घडला आहे.
पोलिसांनी दिलेल्या माहितीनुसार, वसमत तालुक्यातील चोंढीआंबा टी पॉईंटवर महाराष्ट्र ग्रामीण बँकेची शाखा आहे. आज दुपारी खातेदारांचे व्यवहार आटोपून बँकेचे अधिकारी इशान खिस्ते, रोखपाल नितीन ननवरे व सेवक भद्रदीप सरोदे हे काम करीत होते. सायंकाळी ४:४० वाजण्याच्या सुमारास एका काळ्या रंगाच्या पल्सरवरून तिघे जण बँके समोर आले. त्यापैकी दोघे जण बँकेत शिरले तर एक जण बँकेबाहेरच थांबला.
यावेळी बँकेत गेलेल्या दोघांनी हातातील बंदूक दाखवून इशान खिस्ते यांना धमकावून बँकेत काय आहे ते देण्याबाबत दरडावले. मात्र अधिकारी व कर्मचाऱ्यांनी त्यांना दाद न दिल्याने चोरट्यांनी बँकेतून काढता पाय घेतला. मात्र बँकेतून जातांना चोरट्यांनी दोन राऊंड फायर केले. मात्र राऊंड चॅनल गेटला लागल्यामुळे कुठलीही मोठी हाणी झाली नाही, मात्र बँकेची काच फुटून लागल्याने रोखपाल ननवरे जखमी झाल्याचे सांगण्यात आले आहे.
या घटनेची माहिती मिळताच पोलिस अधिक्षक राकेश कलासागर यांच्या मार्गदर्शनाखाली सहाय्यक पोलिस अधिक्षक यतीश देशमुख, उपाधिक्षक किशोर कांबळे, कुरुंदा पोलिस ठाण्याचे सहाय्यक पोलिस निरीक्षक सुनील गोपीनवार, जमादार गजानन भोपे, करवंदे यांच्यासह पोलिस पथकाने घटनास्थळी धाव घेऊन पाहणी केली. पोलिसांनी बँकेतील माहिती घेण्यासोबतच सीसीटीव्ही फुटेजवरून चोरट्यांनी ओळख पटविण्याचा प्रयत्न करीत जिल्ह्यात नाकेबंदी केली. पोलिसांनीतत्परतेने बॅकेचे सिसिटीव्ही फुटेज मधुन आरोपींना अटक करण्यासाठी चोरट्यांचा पाठलाग तातडीने सुरू केला. कुंरूदा पोलिस ठाण्याचे पोलिस व काही नागरिक चोरट्यांचा पाठलाग करीत होते. दरम्यान घटनेनंतर वरिष्ठ पोलिस अधिकारी यांनी आखाडा बाळापूर पोलिसाना माहिती दिली. सदरील तिन्ही चोरटे रामेश्वर तांडा येथून पुढे जात असतांना एका उसाच्या फडाजवळ दुचाकी सोडून पळून जात होते. यावेळी कुंरूदा व आखाडा बाळापूर पोलिसांनी मोठ्या शिताफीने सदरील चोरट्यांना भोसी ता. कळमनुरी शिवारात जेरबंद केले.
إرسال تعليق