अवैध धंद्याविरुद्ध कडक भुमिका; विशेष मोहिमेत ३६ लाखाचा ऐवज जप्त- निसार तांबोळी
नांदेड परिक्षेत्रांतर्गत नांदेड, लातूर, परभणी आणि हिंगोली हे चार जिल्हे येतात. या चारही जिल्ह्यात मटका, गुटखा, गांजा (एनडीपीएस) आणि दारु असे अवैध धंदे राजरोसपणे सुरु आहेत.
पोलिस उपमहानिरीक्षक निसार तांबोळी
नांदेड : नांदेड परिक्षेत्रांतर्गत मटका, जुगार, दारु, गांजा आणि गुटखा असे अवैध धंदे जोमाने सुरु असल्याच्या तक्रारी नांदेड परिक्षेत्राचे पोलिस उपमहानिरीक्षक निसार तांबोळी यांच्याकडे प्राप्त झाल्या. यावरुन त्यांनी या अवैध धंद्याविरुद्ध कडक भुमिका घेत शुक्रवारी (ता. नऊ) जुलै रोजी विशेष मोहिम राबविली. या मोहिमेंतर्गत परिक्षेत्रात ३७० कारवाया करुन ४८५ आरोपींना अटक केली. त्यांच्याकडून ३६ लाख ५३ हजाराचा मुद्देमाल जप्त केला. या कारवायामुळे अवैध धंदे चालकांचे धाबे दणाणले आहे. ही माहिती नांदेड परिक्षेत्र कार्यालयाकडून प्रसिध्दीपत्राद्वारे देण्यात आली.
अप्पर पोलीस अधीक्षक यशवंत काळे हिंगोली
नांदेड परिक्षेत्रांतर्गत नांदेड, लातूर, परभणी आणि हिंगोली हे चार जिल्हे येतात. या चारही जिल्ह्यात मटका, गुटखा, गांजा (एनडीपीएस) आणि दारु असे अवैध धंदे राजरोसपणे सुरु आहेत. यामुळे पोलिस दलाची बदनामी होत असल्याने व मिळालेल्या तक्रारीवरुन पोलिस उपमहानिरीक्षक निसार तांबोळी यांनी विशेष मोहिम राबविली. यापूर्वी त्यांनी चारही पोलिस अधीक्षकांची एक महत्वाची बैठक घेऊन त्यांना कडक शब्दात समज दिली होती. पोलिसांनी वरिष्ठांच्या आदेशावरुन चारही जिल्ह्यात विशेष मोहिम राबवत मटका, गुटखा, जुगार, दारु आणि गांजा विक्री करणाऱ्यांविरुद्ध कारवाई केली.
हेही वाचा - लोहा तालुक्यातील सोनखेड पोलिस ठाण्याच्या हद्दीत एका पेट्रोल पंप व्यवस्थापकाच्या डोळ्यात तिखट टाकून चाकूने जखमी करुन त्यांच्याकडील साडेआठ लाख रुपयांची रोख रक्कम लंपास करणारी टोळी जेरबंद
या कारवाईमध्ये मटका जुगारात ६५ कारवाई करुन ७६ आरोंपीविरुध्द गुन्हा दाखल करुन त्यांच्याकडून दोन लाख ८३ हजार ४८० रुपयाचा मुद्देमाल जप्त केला. जुगाराच्या प्रकरणात ४१ कारवाईअंतर्गत १२६ जणांवर गुन्हे दाखल करुन नऊ लाख २६ हजार ६३० रुपयाचा मुद्देमाल जप्त केला. त्यानंतर दारु या प्रकरणी २५७ कारवायातून २६९ जणांवर गुन्हे दाखल करुन १८ लाख ९० हजार ८०७ रुपयाचा मुद्देमाल जप्त, गांजा या सदराखाली दोन कारवाया करुन तिघांवर गुन्हे दाखल केले. त्यांच्याकडून दोन लाख ५३ हजार ८५ रुपयाचा मुद्मेमाल जप्त केला. तसेच गुटखा प्रकरणात पाच कारवाया करुन १६ जणांवर गुन्हे दाखल केले. त्यांच्याकडून दोन लाख ९९ हजार ४२ रुपयाचा मुद्देमाल जप्त केला.
या कारवाईसाठी पोलिस उपमहानिरीक्षक निसार तांबोळी यांच्या मार्गदर्शनाखाली नांदेडचे पोलिस अधीक्षक प्रमोदकुमार शेवाशे, अतिरिक्त पोलिस अधीक्षक निलेश मोरे, विजय कबाडे, परभणीचे पोलिस अधीक्षक जयंत मिना, अतिरिक्त पोलिस अधीक्षक मुमक्का सुदर्शन, हिंगोलीचे पोलिस अधीक्षक (प्रभारी) यशवंत काळे, लातूरचे पोलिस अधीक्षक निखील पिंगळे, अतिरिक्त पोलिस अधीक्षक हिंम्मत जाधव यांच्या अधिनस्त अधिकाऱ्यांनी सहभाग घेतला होता. यापुढेही अचानक अवैध धंद्याविरुद्ध कारवाईचा बडगा सुरुच राहिल असा
إرسال تعليق