भाजपा-शिवसेनेकडून राज्याव्यापी सावरकर गौरव यात्रा
आ.तान्हाजी मुटकुळे
महाराष्ट्र 24 न्यूज नेटवर्क
बुधवार 29मार्च2023
हिंगोली
स्वातंत्र्यवीर सावरकर यांच्या स्वातंत्र्य लढ्यातील कामगिरीची स्मरण करून देण्यासाठी राज्यभरात गुरुवार दि.३० मार्च रोजीपासून भाजपा-शिवसेनेकडून राज्यव्यापी सावरकर गौरव यात्रा काढण्यात येणार असल्याची माहिती आ.तान्हाजी मुटकुळे यांनी पत्रकार परिषदेत दिली.
येथील भारतीय जनता पार्टी कार्यालयात सावरकर गौरव यात्रानिमित्त आ.तान्हाजी मुटकुळे यांच्या अध्यक्षतेखाली पत्रकार परिषद दि.२९ मार्च बुधवार रोजी घेण्यात आली. यावेळी भाजपा जिल्हाध्यक्ष रामराव वडकुते, भाजपा नेते रामदास पाटील सुमठाणकर, माजी नगराध्यक्ष बाबाराव बांगर, मिलिंद यंबल, फुलांजी शिंदे आदींची उपस्थिती होती.
वसमत
मतदारसंघाची जबाबदारी भाजपा नेते रामदास पाटील यांच्याकडे
यावेळी बोलतांना आ.तान्हाजी मुटकुळे म्हणाले की, महाराष्ट्रात भाजपा-शिवसेनेकडून काढण्यात येणारी हि सावरकर गौरव यात्रा गुरुवार दि.३० मार्च रोजीपासुन निघणार असुन दि.६ एप्रिल पर्यंत चालणार आहे. हिंगोली जिल्ह्यात हि यात्रा दि.३१ मार्च रोजी सेनगाव येथे सकाळीनऊ वाजता निघणार असून हिंगोली शहरात सायंकाळी ११ वाजता वसमत येथे सायंकाळी पाच वाजता पोहोचणार आहे. एक एप्रिल रोजी सकाळी दहा वाजता कळमनुरी तर संध्याकाळी पाच वाजता औंढा नागनाथ येथे ही शोभायात्रा काढण्यात येणार आहे.
दरम्यान राज्यातल्या नव्या पिढीला स्वातंत्र्यवीर सावरकर यांच्या कार्याची ओळख करून देण्यात येणार आहे. राहुल गांधी व कॉंग्रेसच्या अन्य नेत्याकडून सावरकरांचा वारंवार अपमान केला जात आहे.
सावरकरांचा अपमान करणार्‍या कॉंग्रेस बरोबरची युती उद्धव ठाकरे यांनी तोडून दाखवावी असे आव्हान आमदार यांनी दिले. राज्यातील सर्व २८८ विधानसभा मतदार संघातून सावरकर गौरव यात्रा प्रवास करणार आहे. दि. ६ एप्रिल रोजी भारतीय जनता पार्टीच्या स्थापना दिनी या यात्रेचा समारोप होणार असुन मुख्यमंत्री एकनाथ शिंदे, उपमुख्यमंत्री देवेंद्र फडणवीस, प्रदेशाध्यक्ष तथा आ.चंद्रशेखर बावनकुळे तसेच भाजपा-शिवसेनेचे सर्व लोकप्रतिनिधी, पदाधिकारी या यात्रेमध्ये सहभागी होणार आहेत. उद्धव ठाकरे यांनी कॉंग्रेसकडून स्वतंत्र वीर सावरकरांचा वारंवार होणारा अपमान सत्ता टिकवण्यासाठी निमुटपणे सहन केला. सत्तेसाठी उद्धव ठाकरे हिंदुत्वाचा विचार सोडून दिला. बाळासाहेब ठाकरे यांनी सावरकरांचा अपमान करणार्‍या मनीशंकर अय्यर यांच्या प्रतिमेला रस्त्यावर उतरून जोडे मारले होते. तशी हिंमत उद्धव ठाकरे त्यांनी दाखवायला हवी होती. या यात्रेसाठी प्रदेश संयोजक म्हणून प्रदेश महामंत्री विक्रांत पाटील, मुंबई सरचिटणीस संजय उपाध्ये यांची नियुक्ती करण्यात आली आहे. पुढे बोलतांना आ.मुटकुळे म्हणाले की, यात्रेची विभागवार प्रमुख नेमण्यात आले आहेत. मुंबईसाठी आ.अमित साटम, ठाणे-कोकण आ.निरंजन डावखरे, आ.निलेश राणे, पश्चिम महाराष्ट्रासाठी प्रदेश महामंत्री मुरलीधर मोहोळ, विक्रम पावसकर, उत्तर महाराष्ट्रासाठी आ.विजयकुमार रावल, प्रदेश महामंत्री विजय चौधरी, मराठवाडा विभागासाठी आ.संभाजी निलंगेकर, प्रदेश महामंत्री संजय केणेकर, पूर्व विदर्भासाठी आ.प्रवीण लटके, आ.विजय रहांगडाले, पश्चिम विदर्भासाठी आ.संजय कुटे, प्रदेश महामंत्री आ.रणधीर सावरकर आदींची नियुक्ती करण्यात आली असल्याचे आ.तान्हाजी मुटकुळे यांनी पत्रकार परिषद मध्ये सांगितले.
إرسال تعليق